【Now財經台】微創機器人(02252)股價連升6個交易日後，今朝(24日)輕微低開2%後，好快掉頭向上，一度勁升近27%，高見15.04元，中午前成交金額逾4.6億元。
微創機器人4年前由微創醫療(00853)分拆出嚟，雖然公司仲未有錢賺，但近兩年收入都以倍數增長，而虧損亦持續收窄，其中，2024年上半年按年蝕少近50%。
微創機器人股價暫時連升第7個交易日，累升逾60%，但值得留意係，公司經常有配股動作，去年已經配過兩次股，最新一次係去年12月初，由於股價近期已累積頗大升幅，唔知會唔會再趁機「抽水」，始終產品商業化需要用唔少資金，相對強弱指數(RSI)今日已升至近80嘅超買水平，去到高位亦有阻力。
