【Now財經台】近期唔少機械人股炒上，今日(24日)升得最靚係微創機器人(02252)，一度飆近27%，其後維持約20%升幅。公司中午出咗機械人銷售數據，據2024年中期業績顯示，集團海外銷售表現非常亮麗，虧損大幅收窄至2.8億元人民幣，扭虧為盈係咪指日可待？
亨達財富管理董事總經理姚浩然指，微創機器人嘅醫療器械如機械臂，喺海外市場規模好大，由於醫療機械人需求持續上升，未來有機會普及化，相信未來會有唔錯嘅增長。此外，由於從中國出口嘅產品有價格優勢，所以銷售到海外嘅產品毛利率都有得升。
不過，佢認為，微創機器人扭虧為盈仍然需時，公司2024年上半年收入僅約1億人仔，但淨虧損逾2億人仔，反映公司營運仍面對較大挑戰，估計定單金額最少要增加1倍，才可以打和。
