【Now財經台】雖然美國總統特朗普(Donald Trump)發動關稅及貿易戰，令股市出現震盪，中資科技股喺關稅戰開打前夕走勢各異，中芯國際(00981)、阿里巴巴(09988)等股份照升，不過，同樣係科技龍頭嘅美團(03690)、京東集團(09618)就要跌，騰訊控股(00700)只係微升，投資者喺「戰火」下應該點揀股？
獨立市場策略師陳俊文指，自身技術突破因素好重要，阿里升騰訊跌，明顯反映阿里出現技術突破，京東及美團跌可能同經濟有關。電商業務方面，中企喺美國有好多生意，例如拼多多旗下Temu及Shein，美國撤銷小額包裹關稅豁免，對電商造成直接衝擊，不論京東或美團，甚至快手(01024)等，估計業務前景都會轉差，即使中國業務做得好，但如果出口少咗增長亮點，就會對呢啲公司股價有影響。
