【now.com財經】噚日美國郵政單嘢都真係要請方唐鏡出嚟，唔多24小時還原一個「指令」，連譴責都未嚟得出就「無事發生」。
噚日一堆電商股集體跳水之後，到依家9點46分望望阿里巴巴(09988)、京東(09618)同寶尊電商(09991)逆市下行，呢三隻之中想執隻阿里出嚟，因為以佢嘅日線圖嚟計，佢個樣好似有得淡。
其實，喺阿里嘅日線圖上面已經見到有四個裂口喺度，Gay Theory有見，而噚日高位見99.65元，「紅底股」爭一步就到：拉闊個日線圖見呢個高位同上年11月8日高位99.5元，爭毫半子其實都差唔多啫。
但留意返以陰陽燭圖計，佢唔係高位生「黃昏之星」，因為2月4日嘅低位係低過2月5日嘅低位，所以生唔成。But Slow STC(14.3)高位觸頂向下，唯目前保歷加通道仍然有似拓闊，呢個位出淡倉嘅話，博股價下行當然啦，但順便要留意住保歷加底線，如果底線向上，整條保歷加通道變返平衡的話，即使整條係向上都好，股價同Slow STC(14.3)都會出到觸頂向下嘅Swing Trade。
阿里熊(56600)，收回價105元，反方向變到「紅底」你都走啦，5蚊buffer位夠架啦，槓桿有約12.6倍，同一收回價中最低街貨，唔駛同人迫。
望望鐘10點12分，再睇埋阿里嘅小時圖擺位目前仍然低於10線。今次用一小時圖&日線圖，可能要擺多一兩日時間架。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。
