【now.com財經】恒指喺上個星期四(3月13日)低位見過23198點，下影線穿過中軸，不過翌日即刻彈返上去，日線圖計，指數第二次Back Test中軸成功。
不過，要留意嘅係日線圖上見條保歷加通道雖然仲係向上，但斜度已經開始無2月初嗰時咁45度，同時保歷加通道口一度收窄完依家再放返平衡，雖然Slow STC(14.3)於中軸有見轉返向上，但基於收窄過所以頂同底嘅高度其實係收窄咗，變相恒指上/落嘅空間係被壓細咗，Chok上Chok落嘅機會大咗，方向就難捉咗。
如果對指數處高位覺得佢都係要等一段時間先至會出現一個明確啲嘅方向嘅話，望望月曆嚟緊又嚟一浸業績排山倒海咁出嚟，星期二(18日)有小米(01810)、星期三(19日)騰訊(00700)、星期四(20日)就到長和系同中移(00941)。
近近地望住隻小米(01810)先，Um...其實佢出乜都唔係重點，重點係市場點去解讀。
純以技術分析而唔理新聞(所謂嘅雜音)，小時圖上有見小米於堆平均線上行出「小圓底」，再搭埋之前個「圓底」，「杯柄」成形。頸線位大約係54.35元。
換保歷加見整條有似向上，Slow STC(14.3)兩線亦有似於80前向上tick返上去，似乎係想博過頸線。
咁就過到頸線嘅話先至掟隻小米牛(56418)，收回價47元，同現價有約7元距離安全架啦，有約6.8倍槓桿。如果部埋聽日業績嘅話，咁就借埋日線圖嘅10線做下方度量線，只係要小心佢出「三角形」啫。
另外，上週有提過嘅泡泡瑪特(09992)仍然看好，不贅(自己搵返啲文嚟睇啦)。今日股價再創歷史新高，上個星期老Best Fila whatsapp問呢隻嘢會唔會有機見150蚊；見到嘅話記得請食飯！
作者阿珊，以技術分析專心玩輪證，唔貪心，努力賺取我家肥貓罐罐。
想減低Day Trade失敗率?!試吓搵作戰教室幫你，7日免費試用：https://www.patreon.com/join/cbbcwar
資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。
