【Now財經台】據《彭博》綜合分析員給予小米集團(01810)嘅平均目標價約54.99元，昨日(17日)收市已經到價，有分析擔心，小米現價可能反映市場過分樂觀嘅情緒，又指依家市場對小米嘅期權押注增加，未平倉合約已回升至2021年5月嘅高位，到底仲應唔應高追？
高富金融集團投資總監梁偉民指，市場普遍睇好小米汽車發展，尤其係自動駕駛嘅潛力，雖然小米電動車銷量增長唔錯，但值得留意係，依家生產規模仍然較細，同傳統車廠每年銷售幾十萬，甚至百萬架比較，小米仲有一段差距。
此外，雖然市場對小米車款設計及物料有好高評價，但成本較高之餘，售價亦較低，幾時可以實現收支平衡仍然值得關注。
Wyman續指，競爭對手方面，例如比亞迪股份(01211)等近期推出嘅新技術會構成挑戰，所以喺高估值下高追小米有一定風險。
