【Now財經台】榮昌生物(09995)將核心藥物「泰它西普」授權畀Vor Bio，喺大中華區以外開發及商業化產品，但股價不升反跌，一度跌25%，低見50.05元，以前都有唔少醫藥股有獨家授權協議，點解係榮昌跌得咁勁？
耀才證券研究部總監植耀輝指，股價插水主要係集團嘅公告令市場失望，一方面首付銀碼細，亦涉及股權問題，另一方面，對比以往有類似合作形式嘅股份，例如三生製藥(01530)同輝瑞(Pfizer)合作，榮昌嘅合作方名氣就差好遠。
Stanley又話，依家榮昌股價波動，佢對股價短線走勢有保留，由於股價今年升咗唔少，要再進一步上升，就要睇之後嘅藥物研發，又話依家股價波動唔建議高追。
