【Now財經台】截至早上11時止，1小時內《彭博》用戶搜尋量最多港股，依次為泡泡瑪特(09992)、新世界發展(00017)、康方生物(09926)、碧桂園(02007)及映恩生物(09606)。
泡泡瑪特今日(8日)正式「染藍」，股價一度急挫逾8%，低見282.2元，網傳Mini Labubu炒價再跌，值得留意係，過往每次出現這類消息時，股價就會「震一震」，但今日跌幅明顯較以往大，股價突然出現大調整，真係同炒價跌有關？
富昌證券聯席董事譚朗蔚指，的確可能同產品炒價跌有關，但要留意泡泡瑪特8月出完業績後曾經急升，並宣布推出新產品，當時股價升勢已反映各項利好，除咗產品炒價回落外，暫時未見其他利淡因素，相信今日嘅跌勢同升浪調整有關，但股份喺牛市下「染藍」，長遠仍對股價有幫助，如果短線能收復295元水平，有機會再向上，否則，有可能下試270元水平。
