【Now財經台】據《紐約時報》報道，美國總統特朗普(Donald Trump)擬出「辣招」限制中國創新藥進入當地市場，消息一出，醫藥股昨日(11日)幾乎集體被洗倉，不過，唯獨榮昌生物(09995)成功「逃生」，更大升10%，今朝(12日)開始早段仲破緊3年高位，點解呢隻藥股冇受美國擬出招嘅消息影響？
王道資本及家族資產管理執行董事黃敏碩指，榮昌手上有幾個新項目好快落地，加上公司唔少產品研發已進入尾聲，市場對公司仍有好大憧憬，所以抗跌力較其他藥股強好多。佢又指，依家榮昌嘅收入全數來自中國，業務表現唔錯之餘，虧損亦有所收窄。
