【Now財經台】微盟集團(02013)計劃折讓8%配股，集資逾15億元，當中30%會用嚟擴大媒體渠道，加強喺抖音、小紅書嘅影響力，不過，公司上半年收入按年跌10%，係因為廣告平台對廣告客戶嘅回饋減少，令商戶訂閱收入減少。今次「抽水」所得用嚟擴大媒體渠道，可以幫到公司收入幾多？
耀才證券研究部總監植耀輝指，今年上半年經調整淨利潤由虧轉盈，但公司開支大減，先令虧損收窄兼有錢賺。到底部分集資金額用嚟擴大媒體渠道有冇成效，就有待觀察。
Stanley又話，愈嚟愈多北水流入微盟，令股價更加波動，投資者要有心理準備呢類股份會大升大跌。佢對業務發展前景有保留，止蝕位睇2.3元，若股價升至2.7元至2.8元，可以考慮先食糊。
