【Now財經台】截至早上11時止，過去1小時內《彭博》搜尋量最多港股，依次為紫金黃金國際(02259)，紫金礦業(02899)，華虹半導體(01347)，舜宇光學科技(02382)及五礦資源(01208)。
紫金黄金今日(30日)首掛搜尋量一枝獨秀，今朝開市早段更一度打入成交榜首位，半日成交金額已逾85億元，母公司紫金就排搜尋榜第2位，現時紫金持有紫金黃金86%股權，今日掛牌嘅紫金黃金市值已超越紫金H股，如果用去年盈利計，紫金黃金市盈率(PE)好貴，高達80倍，追唔追得過？
富途證券首席分析師譚智樂指，如果將紫金黃金同其他金礦股比較，歷史PE及滾動市盈率(TTM)其實相差唔大，但依家最主要嘅問題係好多金礦估值都偏貴。
Arnold續指，投資紫金黃金要分清楚係炒IPO，還是投資呢家公司基本面，但金礦股短線要面對估值偏貴問題，若用炒新股角度睇，有興趣嘅投資者不妨睇多1至2日，等市場冷靜一下再做部署，而IPO係偏向一上市就有好強勁嘅升幅，以資金流為主，唔係純碎睇估值。
Arnold續稱，紫金黃金國際嘅價值雖然一口氣追到同業水平，但都未必會以呢隻股作為首選，要睇定啲先，畢竟短線累積升幅較大。
