【FINTERVIEW】Q3吼呢3類特朗普受惠股

【Now財經台】美國總統大選首場電視辯論後，前總統特朗普(Donald Trump)嘅支持度拋離現任嘅拜登(Joe Biden)。

東亞證券高級投資策略師陳偉聰表示，人工智能(AI)熱潮略為降溫後，美股投資者似乎搵到下一個主題，市況開始反映特朗普勝算大增嘅預期。佢指出，特朗普傾向放寬金融監管，所以美股最近炒起咗銀行及金融股，工業相關股亦會受惠，Jason又話，市場估計，一旦特朗普當選將會推出更多減稅、補貼措施來吸引美國企業回歸本土開廠，支持本土製造業。此外，傳統資源股亦獲睇好。

Jason續指，因為往年大選嘅前一季，美股表現普遍跑贏環球股市，睇好美股第3季繼續造好。不過，佢提醒短期有調整風險，因為納指100嘅14日相對強弱指數(RSI)近日曾升至80以上嘅嚴重超買水平，而縱觀過去6年，當RSI超過80後，美股通常於3個月內會調整約10%。