【期匯決算】等英鎊跌至1.29水平再買

【Now財經台】英鎊突破近期阻力1.286後，愈升愈有，更一度試衝1.3水平，有消息指，英倫銀行8月減息機會僅32%，睇返最新就業數據，截至5月止3個月，就業人數增19000人，6月受薪員工增56000人，但新增失業補助申請人數亦有所增加，而上月通脹未如預期放緩，英國息口未來會點走？英鎊強勢可以維持幾耐？

亨達集團助理總經理羅明立指，英國基本面比歐洲好，但由於通脹放緩速度較預期慢，導致英倫銀行至今仍按兵不動。

政治因素方面，英國已換上工黨執政，估計工黨政策方面會比之前嘅保守黨貼地，短期英鎊走勢會比歐元好，阻力暫時睇1.315，但要再向上突破有難度，主要是美元弱，未必可以持續推高英鎊，建議投資者唔好高追英鎊，可以等英鎊回落至1.29水平再買入。