【名家給力場】恒指要跌到15000點先止瀉？

【Now財經台】恒指喺9月最後一個交易日唔上唔落，都係擺脫唔到近期嘅劣勢，大市今朝平開後，走勢反覆，一度下試17000點關口，依家巿場氣氛差，信心又薄弱，跌穿17000關只係遲早問題？睇返3月大跌巿嗰浸，當時恒指累跌逾20%，如果睇返技術分析，今輪跌浪有冇機會連15000點都守唔住？

冠域商業及經濟研究中心主任關焯照指，恒指絕對有機會插穿15000點，睇返3月時嘅跌巿因素，當時一度跌穿長期上升軌，亦喺橫行區急插落嚟，如果跟返同樣操作，呢浸由橫行區間19300點插20%，就會落到15000點水平。

關博士估計，恒指要跌到15000點至15500點先會停，如果大市急插可以考慮博反彈。