我的股票

    名稱 現價 升跌

    資料報價延遲十五分鐘

    標籤:分析

    【名家給力場】「特」式關稅殺傷力有幾大?

    【分析】 2025/01/23 15:48

    【Now財經台】特朗普(Donald Trump)已於本港時間周二(21日)凌晨,正式就任美國第47任總統,佢首日已簽署數以百計嘅行政命令,但未有即時向中國加關稅,但有意喺2025年2月1日起,向墨西哥及加拿大徵收25%關稅,特朗普嘅關稅政策對各國有咩影響?

    資深銀行家王仕雄指,特朗普始終係生意人,會積極尋求有利嘅合作空間,但特朗普為人善變,為咗應對特朗普嘅政策,中國近年已經做咗大量準備,例如緩和同澳洲、日本及英國等嘅貿易關係,又加强喺中東、拉丁美洲等嘅貿易影響力。

    佢又話,如果美國真係向墨西哥及加拿大徵收關稅,對美國消費者及企業有好大影響,因為墨西哥同加拿大向美國出口唔少必需品,例如汽車零件及天然氣等,王仕雄估計,一旦加關稅,最少令生產成本升約5%至10%,最終會轉嫁畀消費者。