標籤:分析
【FINTERVIEW】澳洲、美國仲未減息等緊乜?
【分析】 2024/06/19 11:46

【Now財經台】加拿大及歐洲央行先後宣布減息,據美國聯儲局最新嘅「點陣圖」顯示,局方官員預期今年將會減息1次,不過,澳洲央行就按兵不動。隨著加拿大及歐央行搶閘減息,市場係咪憧憬全球進入減息周期已經入直路,令風險資產,尤其係股市齊齊向上?仍未減息嘅央行到底等緊乜嘢?
工銀亞洲金融市場部高級經濟師程嘉偉指,環球央行近期議息口主考慮通脹走勢,由於通脹已見頂,正準備回落,所以已有央行啟動減息周期,仍未出手嘅澳洲儲備銀行及美國聯儲局,係希望觀察多幾個月嘅數據,確認通脹真正回落。Gary又話,其實環球央行整體取態都係減息,始終高利率已維持咗一段時間,央行都希望當地經濟可以「軟著陸」,趁經濟未陷入衰退前調整息口,佢估計,美國3至4個月後會開始減息,澳洲因為冇逼切性,可能要明年先減息。