【FINTERVIEW】造定存唔好揀太長年期(下)

【Now財經台】臨近農曆新年，銀行資金壓力再度緊張，有部分中資銀行加息搶存款，亦有多家中小銀行上調1至12個月港元定存息，未來港元定存息會點走？定期嘅存款期又應該點揀好？

上海商業銀行研究部主管林俊泓指，銀行近期資金壓力緊張同周期性因素有關，農曆新年期間，中小企需要派花紅，大型企業又要派息，所以每逢農曆新年前銀行資金都會較緊張，佢預期，定存息短期仍會高企，但預期2025年2月至7月期間，定存息將會拾級向下。

他又估計，美國聯儲局今個月議息將按兵不動，會等到今年3月才減息，到時港銀好大機會跟隨美國減息。林俊泓續稱，唔同因素都反映息口未來會向下，因此，佢建議投資者喺選擇定期嘅存款期時，唔好揀太長年期，可以視乎美國實際關稅措施對市場嘅反應，再部署3個月或6個月定期。