【輪證贏家】又企中軸位兩手準備
【輪證】 2025/01/23 10:24

【now.com財經】開始倒數要返工嘅日子,準備下個星期二做半Day之後就開始放假放到再下個星期一,初六啟市(應該無數錯),Yeah!!!
睇返個市,今朝開市升102點,開市報19,881點,明明係作戰室Mark住等指數高開低走出淡倉,仲要畫定個Range大約預計指數彈到去邊個水平而準備淡倉,少少出意外就係佢彈穿咗畫出嚟個Range,慌忙下同戰友一齊追好倉,3分鐘唔夠見平頂即走貨再做反手,到依家9點57分,指數有似向返今朝開市價方向出發,咁呢注淡倉就可以玩耐少少。
日線圖見指數早兩日出高位「十字星」後未再有向上挑戰條V彈頸線,但同時下方有一個裂口位喺度,所以指數暫時向下稍回到裂口位前。
的確呢一刻小時圖Slow STC(14.3)兩線觸底向上仍然都係想出淡倉嘅致命傷,同步喺10點12分開始有見指數於五分鐘圖嘅中軸線企好。小喇叭又係企喺中軸位,又要做定兩手準備。
恒指牛(68018),收回價19,600點,同現價有約347點距離,槓桿有約43.4倍,唔駛企咁近但又有逾40點槓桿,企得住五分鐘圖中軸的話,就當借呢個五分鐘圖行Swing。
但如果向下穿過,借日線圖V彈頸線唔過繼繼續向下落的話,咁恒指熊(65431),收回價20,268點,同現價有約350點距離,槓桿有約52.4倍。
又差唔多到10點半啦,啱呀,作戰室今朝先好後淡玩完啦!
作者阿珊,以技術分析專心玩輪證,唔貪心,努力賺取我家肥貓罐罐。
Patreon作戰教室七日免費體驗:https://www.patreon.com/join/cbbcwar