【期匯決算】吼呢個位沽澳元
【分析】 2025/01/23 17:22

【Now財經台】雖然中國面對特朗普(Donald Trump)政府關稅威脅,但風險似乎冇預期咁大,而跟中國經濟關連性較大嘅澳元,雖然連日橫行,但有開始形成上升通道嘅跡象,美關稅政策係咪會利好澳元?
亨達集團助理總經理羅明立指,澳元跌到0.61就開始反彈,其實所有非美貨幣走勢都有好轉,但值得留意係,澳元喺50天線,即0.635水平,其實喺2024年已見過兩次呢個位,所以0.635水平應該有啲阻力。
Patrick續指,特朗普係比較難捉摸,因此,即使美國對華關稅態度暫時係先禮後兵,都唔認為美匯指數喺107.5水平仲會跌好多,至於澳元去到0.635水平係咪可以反彈都係一個疑問,唔排除要整固,建議喺0.63樓上沽出。
![]() | 羅明立 亨達集團助理總經理 |