我的股票

    名稱 現價 升跌

    資料報價延遲十五分鐘

    【槓桿致勝】揀中金CALL先睇槓桿?

    【分析】 2025/01/23 12:14

    【Now財經台】中國證監會主席吳清今早(23日)明確公募基金持有A股流通市值,未來3年,每年最少增長10%,刺激內地券商股向上,其中,中金公司(03908)一度大升逾6%,高見13.5元,中金CALL輪條款差別都幾大,輪價都唔同,應該點揀?

    中信里昂股權衍生品銷售經理李佳原指,引伸波幅係用期權價格計出嚟,落差就來自期權「微笑曲線」,即同1隻相關資產、同1到期日產品,因應唔同行使價而形成嘅落差,貼價產品引伸波幅較細,遠價或深入價內引伸波幅就較大,中金嘅「微笑曲線」效應較明顯,引伸波幅56就係貼價產品亦較平,因為供應較多,較易做對冲,反之亦然,尤其券商股係期權唔流通嘅板塊。

    Sam續指,睇返過去幾個交易日,市場都係揀引伸波幅76嘅產品,價外、年期短、輪價平、高槓桿,暫時帳面都有錢賺,對希望捕捉短期波動市況嘅投資者嚟講,引伸波幅唔係佢哋揀產品嘅首要標準,反而會揀合適嘅槓桿,從而放大短期回報,但佢提醒,槓桿愈高,風險就愈高。

    相關股票

    編號名稱
    03908中金公司