標籤:分析
【環球金融快線】羅家聰:「$TRUMP」呢類加密幣冇投資價值
【分析】 2025/01/23 15:28

【Now財經台】美國總統特朗普(Donald Trump)及佢太太梅拉尼婭(Melania Trump)喺特朗普就職禮前,各自推出專屬「迷因幣」(Meme Coin),分別名為「$TRUMP」、「$MELANIA」,更帶挈兩人身家暴漲,其中,「$TRUMP」喺特朗普而上任當日(20日),一度升穿73美元,狂飆逾10倍,但之後輾轉回落到40美元水平。另1隻同特朗普細仔Barron Trump同名加密貨幣「$BARRON」上線當日曾癲升逾30倍,但兩日後打回原形。點評估呢類加密貨幣嘅投資價值?有冇操作貼士畀投資者?
資深經濟師羅家聰直指呢類加密貨幣冇投資價值,只可以用作投機,佢相信,特朗普趁未上任搶閘推「$TRUMP」,先賺返筆,係好有機心,佢提醒,當人人都想賺錢時,就要吼準時機鬥快沽,又認為依家玩呢啲幣已經冇價值。
KC續指,如果投資者真係好想玩,就要好似玩期權咁,諗住輸晒都冇所謂咁買入一堆,因為有時只係靠消息谷高個價,投資者要睇得準識定價才嘗試,佢又提醒唔好訓身買呢啲幣。