【專家分析】內航股「小黃金周」飛返轉？

【Now財經台】內地疫後旅遊業復甦情況似乎唔錯，內地今年端午節假期有3日連假，俗稱「小黃金周」，仲會連埋星期日，唔少人都可以連放4日假。3大內航股今日都有得升，升幅介乎2%至3%，航空股嚟緊有冇機會「飛返轉」？「小黃金周」情況又係點?

亨達財富管理董事總經理姚浩然指，相比外國航空公司，3大內航股復甦步代比較慢，以美國嘅航空公司為例，運載量及票價都已經重返疫前水平，Patrick及話，由於內地高鐵發展完善，除非要前往海外，否則，都會揀較少延誤嘅高鐵。

佢又話，人仔持續貶值，令航空公司嘅外債增加，利潤其實唔高，不過，長假效應會令部分股份有炒作，Patrick坦言，如果從投資者角度出發，會傾向揀海外航空股。