我的股票

    名稱 現價 升跌

    資料報價延遲十五分鐘

    【股市脈搏】中信大錳炒重組 可以炒幾耐?

    【分析】 2020/07/07 15:31

    【Now財經台】有兩隻中信系股份,午後就借單通告消息而飆升。中信資源(01205)中午出通告,指可能會出售中信大錳(01091)嘅持股,股價午後抽升最多50%,成交量較過去100日同時段平均成交增加近30倍。

    中信大錳升幅更加誇張,今朝高開2%,午後有買盤推高股價,最高曾見0.47元嘅一年高位,升幅有92% ,不過升幅無幾耐就回順。

    中信系股份近年,周不時都會炒重組概念,其實中信大錳基本因素都麻麻,不過有重組概念出嚟,今天股價爆升,升穿埋250天牛熊分界線,企在所有移動平均線上。不過點升都仲係毫子股,相比起2010年上市時2.75元,仍然要跌80%,市值由80幾億元碌返落目前嘅10幾億,留意今日股價縮得好快,唔排除有投資者於過去幾個月,趁股價低殘吸納股分,今日借中午通告消息出貨,令成交急升,股價或好快打回原形....

    想睇更多財經消息

    相關股票