我的股票

    名稱 現價 升跌

    資料報價延遲十五分鐘

    【FINTERVIEW】英Sir:買中資股唔一定要買阿里(下)

    【分析】 2020/12/31 12:45

    【Now財經台】2021年除咗新、舊經濟股外,其實都有唔少投資主題,揀股之餘,有兩件事亦十分重要。

    豐盛金融資產管理董事黃國英指,新能源、電動車相關都係明年比較重要嘅概念,另外,製造業有兩類股都要留意,首先係同宏觀經濟相關嘅公司,例如申洲國際(02313),玖瓏紙業(02689),理文造紙(02314),除咗估值平,市場炒經復甦就會跟到,其次係電動車供應鏈相關股,但香港選擇唔多,掹車邊就有隻敏實集團(00425)。

    Alex特別提醒,每隻股份嘅注碼唔好咁多,同埋投資者要有「分段去捱」嘅諗法。

    今年市場最矚目嘅「焦點股」肯定係阿里巴巴(09988),英Sir認為阿里嘅情況,同兩年前都「出過事」嘅騰訊控股(00700)唔同。

    Alex話,阿里嘅網上借貸業務可能會造成一個幾大嘅價值破壞,電商、雲基建就應該問題不大,但對投資者嚟講,買阿里成日要擔驚受怕,買其他就覺得安全啲,例如騰訊,雖然又係大隻、又係壟斷,但兩年前已經搞過佢,兩年後嘅今日都可以正常運作,阿里同兩年前嘅騰訊,分別在於阿里啲新聞幾嚇人,要掟好多錢落中資股,都唔一定要買阿里,未來仲有唔少中資股嚟緊,但兩年前唔買騰訊的話,選擇係相對少,所以阿里對比騰訊係較難recover。

     

     

    想睇更多財經消息