我的股票

    名稱 現價 升跌

    資料報價延遲十五分鐘

    【股市脈搏】祖龍、華夏「解禁」命運大不同

    【分析】 2021/01/15 16:21

    【Now財經台】祖龍娛樂(09990)及華夏視聽(01981)上市滿半年,股份禁售期亦屆滿,但今日股價表現大不同。

    祖龍股價今日早段短暫向下,其後成交增多,約10點後開始倒升,午後升幅擴大,一度升逾11%,升穿22元。

    集團今日開市前發通告,指包括主席李青及執董白瑋在內九名控股股東嘅股份禁售期今日屆滿,但由於對集團長遠價值有信心,自願延長禁售期180日,消息刺激股價急升。

    祖龍技術走勢好轉,MACD快線同慢線收窄或出現利好訊號,留意後市會唔會升上去年12月高位,即24元以上水平。

    華夏視聽就冇咁好彩,《彭博》指據銷售文件顯示,有股東減持過億股,今早有兩手大手成交上版,以每股減持價7.1元計,較噚日收市價折讓逾14%,睇股數似乎係大股東兼主席蒲樹林減持。

    華夏視聽今日早段一度急瀉逾30%,低見5.81元,其實華夏視聽月初見過8.59元上市新高,以IPO價3.1元計,累升1.7倍,當時RSI曾高見89,現時已跌到41。值得留意係,接貨一方有三個月禁售期,睇下到時會唔會沽貨。

    想睇更多財經消息

    相關股票