【財經TOP SEARCH】ESR收購炒唔起股價2大原因

【Now財經台】截至早上11點，1小時內《彭博》用戶關注度上升最多的港股，依次為ESR(01821)、北京汽車(01958)、中國鐵塔(00788)、紫金礦業(02899)及廣汽集團(02238)。

ESR公布夥拍新加坡政府投資公司GIC，斥資38億澳元，向黑石集團收購澳洲倉庫、物流資產，係當地5年以來最大宗地產相關交易，但ESR股價早段最多只升不足2%，中午收市前更要倒跌，半日埋單無升跌。

圓通環球金融集團行政總裁曾永堅指，ESR喺大阪、澳洲嘅一連串擴展行動，由於涉及唔少資金，令市場擔心集團會增發股本，不利股價。

此外，今次收購作價、估值為ESR帶嚟嘅好處，同埋未來收益都唔算吸引，所以出現消息大，股價反應細嘅情況。