我的股票

    名稱 現價 升跌

    資料報價延遲十五分鐘

    【財經TOP SEARCH】飛鶴董事長「自爆」攬炒股價

    【分析】 2021/06/09 12:45

    【Now財經台】截至早上11時,1小時內《彭博》用戶關注度上升最多的港股,依次為中國飛鶴(06186)丶農業銀行(01288)丶京東健康(06618)丶中國海外發展(00688)及周大福(01929)。

    飛鶴董事長冷友斌喺中國企業家論壇上話,受注射疫苗影響,好多準父母半年內唔可以懷孕,估計奶粉銷量未來一兩年將會出現斷崖式下跌,飛鶴股價今朝都「跳崖」,一度大插逾8.5%,低見18.84元,中午收市跌幅略為收窄。

    安山資本資產管理部董事黃志陽認爲,內地出生率會唔會出現斷崖式下跌,仲係未知之數,但飛鶴董事長咁「坦白」,係咪已經知道集團銷售已經跌緊?喺咁嘅情況下,投資者一定會驚,亦提醒咗投資者出生率有機會下跌,所以成個板塊係會睇差少少,更重要係可能飛鶴董事長已經睇到一啲外界睇唔到嘅事。

    黃志陽
    安山資本資產管理部董事
    想睇更多財經消息