【股市脈搏】利郎股息率高PE奇低

【Now財經台】內地男裝品牌中國利郎(01234)今朝高開1%，11點半後，成交開始增多，股價升幅擴大，半日升7%，下午買盤繼續推升，一度升21%，高見6.1元，錄得逾3年以來最大單日升幅。

利郎今日成交股數，係7年以來最多，較過去100日同時段平均成交增加10倍，股價急升破位，升至去年1月高位，相對强弱指數(RSI)升至80樓上。

利郎一向派息慷慨，今日股價爆升，最新股息率逾7厘，預測市盈率(PE)得8倍。

公司派息高，亦曾吸引長線基金追捧，可以觀望下喺國貨潮底下，呢類低估值國產品牌會唔會繼續造落後。