我的股票

    名稱 現價 升跌

    資料報價延遲十五分鐘

    【名家給力場】高追滙盈有風險

    【分析】 2021/07/05 16:30

    【Now財經台】滙盈控股(00821)今朝開市前,喺5分鐘内連出兩份通告,第1份係向創夢天地(01119)收購軟件業務,第2份係涉及配股,兩件事同時進行,導致出現一啲陰謀論,質疑公司發大量新股,其實係為股權變動做部署。

    《香港股票財技密碼》作者梁杰文指,滙盈兩份通告有矛盾嘅地方,一方面話做收購係唔想浪費公司儲備,但又唔詳細交代集資用途,部署上會難免會惹嚟一啲揣測。

    Mike認為,市場本身對滙盈嘅傳統經紀、證劵業務冇乜憧憬,但今次收購就起咗冲喜作用。雖然遊戲開發仲係未知數,但創夢有大股東騰訊控股(00700)坐鎮,似乎令公司喺股權架構上有咗大方向,係股價今日爆升嘅主因,不過,現價追入有風險,因短線或有趁高沽貨獲利嘅壓力。

    梁杰文
    《香港股票財技密碼》作者
    想睇更多財經消息