【股市脈搏】國泰君安「唱高」中冶AH股？

【Now財經台】中國中冶(01618)AH股午後齊升，其中H股臨近下晝2點開始倒升，收報2.18元，升逾11%，成交股數較過去100日同時段平均成交增4倍。

中冶被内地券商國泰君安唱好，話公司新能源業務、礦產資源價值被低估，估計市值提升空間達46%，唔知係咪因為咁刺激AH股，其實中冶近期都有利好消息，包括上半年新簽合同按年增32%，同疫情前比較更大升61%。

如果中冶嘅新能源業務，真係有被重估嘅空間，後市要留意股價可唔可以挑戰今年2月高位。