【名家給力場】世紀睿科「變身」要過3關

【Now財經台】世紀睿科(01450)股價唔夠10個交易日炒高2倍後，就公布控股權易手消息，新主包括創辦過一間SaaS公司嘅主要買方Li Jun、雲遊控股(00484)創辦人相關嘅信託等，世紀睿科未來係咪有機會變身成SaaS股？

《香港股票財技密碼》作者梁杰文話，新主可以為世紀睿科提供SaaS、手遊營運經驗，令市場憧憬世紀睿科業務會更多元化，亦唔需要「摸著石頭過河」。

不過，Mike提醒，轉型都要睇時間、資源，例如市場潮流、公司規模太細好難同大公司競爭，同埋公司之前集資後，有一半資金係用嚟還債呢3個因素，甚至有可能喺轉型中途，因為唔夠錢需要集資。