【股市脈搏】易居有貨「斬纜」自救？

【Now財經台】易居企業控股(02048)今日低開逾5%後，跌幅不斷擴大，臨近尾市再跌多浸，最終以全日低位收市，大跌逾18%，報2.25元，創新低。易居今日沽壓沉重，以成交股數計，較過去100日同時段平均增近2倍。

集團噚晚發盈警，估計中期轉蝕最多17億人仔，係2018年上市以來首次「見紅」。通告又提及，集團發盈警主因係個別房地產開發商客戶信貸質素惡化，因此需要作額外虧損撥備，估計上半年撥備介乎19億至21億人仔。

易居發盈警前，股價已經跌唔停，市場亦唔睇好，股價自上市高位14元樓上，落到今日收市嘅2.25元，跌咗超過80%。