【股市脈搏】創維唔可以單靠回購撐價
【分析】 2021/11/24 15:47
【Now財經台】創維集團(00751)股價噚日喺大成交下急挫10％，一度失守5元關口，公司即刻大手回購，股價暫時喘定。創維今朝日高開近4%後，早段升幅一度擴大至近6%，高見5.34元。
創維上月底出業績時，透露原來起步冇耐嘅光伏業務，收入按年大增近3倍後，股價就開始炒上，成交亦明顯增加，14天RSI最超賣時去到91水平，仲出現頂背馳，高位回套壓力大咗。公司除咗噚日大手回購外，其實喺月初股價升緊時，都喺5元樓下做過回購，但規模唔算大。
後市要留意光伏業務嘅政策變化，因為呢個先係左右創維股價嘅主因，唔係單靠回購就可以撐起股價。
想睇更多財經消息
