【專家分析】跟炒電子煙股要睇定啲

【Now財經台】電子煙股喺內地落實《煙草專賣法》之前已偷步上揚，中國波頓(03318)今日早段一度飆25%，華寶國際(00336)亦曾升近19%，單計11月，兩隻股累升逾70%及50%，雙雙跑贏新貴思摩爾國際(06969)，電子煙股上望空間仲有幾多？

uSmart盈立證券研究部總監陳偉聰指，政策不確定性有較大風險，雖然今次講明日後監管會參照傳統捲煙條例有關規定執行，但參照唔代表一模一樣，未來銷售渠道、宣傳推廣、電子煙產品成分控制標準等，仍然喺討論階段，雖然電子煙股今日偷步炒上，但係要有風險，一旦標準落實，仲要留意對呢啲公司嘅利潤有咩影響，股價有機會回套。