我的股票

    名稱 現價 升跌

    資料報價延遲十五分鐘

    標籤: 0000501810

    【輪證下半Part】恒指未方向 得個睇字

    【輪證】 2021/12/02 14:54

    【now.com財經】今朝(12月2日)打咗支針,話係敏感針所以會係好眼瞓,還好個人到依家仍然清醒,係轉數開始有少少慢,希望可以頂得住收市後同前輩范巧茹喺佢YouTube節目度出現。

    呢兩日,我舊同事問有關於虛疑貨幣嘅事,仲決定真金白銀咁落注,到佢話買咗之後,我同戰友Jack即刻上網搵可以做淡嘅工具。點解要咁做?事關呢位同事打算買滙控(00005)時,滙控就跌到連30蚊都無;亦都試過all in螞蟻,最後螞蟻點樣?大家都知啦,可想而知佢燈嘅威力有幾強大。

    上半場恒指收23,714點,升55點,喺五分鐘圖上見指數剛剛好處於保歷加通道中軸水平,而Slow STC(14,3)就處於中軸水平。不過,午後返嚟見到指數向下,Slow STC(14,3)亦向超賣方向出發,但保歷加通道暫時未見到有拓闊嘅情況。

    指數難玩,又向個股埋手。猶記得早幾日講過隻小米(01810),見佢日線圖喺19.02元/19.04元附近企得穩,做得到支持,而Slow STC(14,3)出到觸底反彈的話,小注出Call可以博一博。今日(2日)見返隻小米,日線圖上似乎小米想上破10天線,而Slow STC(14,3)都見到%K線喺底位兜得返上去%D線,不過似乎力度有啲欠奉。

    搵咗好多隻個股,大部份都見日線圖Slow STC(14,3)有出現觸底回升嘅情況,但都無一隻走位相對理想,唔通今日得個睇字?

    作者阿珊,任財經/投資版傳媒人十幾年,《鐘擺戰略贏港股》、《輪證基礎筆記》及《傻寶不懂的技術分析》系列作者。用技術分析專心玩輪證,唔貪心,志在搵餐下午茶。

    即市聊天室/Patreon:https://www.patreon.com/cbbcwar

    FB:https://www.facebook.com/cbbcwar

    想睇更多財經消息

    相關股票