【Now財經台】截至早上11時，1小時内《彭博》用戶關注度上升最多的港股依次為華人置業(00127)、比亞迪股份(01211)、長城汽車(02333)、世茂集團(00813)、富力地產(02777)。
近期Tesla股價回軟，今朝多隻相關概念股沽壓沉重，係咪Tesla股價未有起色，相關概念股都冇運行？
圓通環球金融集團行政總裁曾永堅指，比亞迪借Tesla嘅風成為當炒股，資本市場喺今年下半年主要睇好電動車，行業被中國政策影響或受監管嘅憂慮亦比較低，股份受惠資金流向。Tesla回軟或多或少影響比亞迪股價表現，但因為比亞迪銷售數據一直交到功課，相信股價喺235元水平應該會有一定支持。
