【股市脈搏】小心呢隻「熊」畀監管風暴突襲

【Now財經台】港股今日又跌，恒指仲插穿23000點，逆市升嘅股份只有300幾隻，其中上市就快1年嘅稻草熊娛樂(02125)成為今日嘅升幅王。

稻草熊娛樂今朝高開逾2%後，愈升愈有，下晝再喺大棍成交下衝多一浸，最多飆近84%，收市升逾74%，報4.55元，股份今日價量齊升，成交股數較過去100日同時段平均大增超過14倍。

不過，稻草熊娛樂股價今日喺冇乜特別消息下狂飆，要睇實有冇消息跟尾，亦要小心跟車太貼，因為內地監管影視業嘅政策隨時會再收緊。