【專家分析】點解物管股鍾意買F&B業務？

【Now財經台】金科服務(09666)斥資逾3億人仔，收購同系喺深圳上市金科股份嘅團餐、酒店管理服務，金科股價一度升逾4%。除咗金科服務，其實新城悅服務(01755)都有收購F&B項目，呢類業務係咪成為物管公司另一條新財路？

股評人李偉傑指，物管公司收購F&B項目，目的係畀市場睇到公司有新增長目標、方向。由於F&B喺内地較盛行，如果將F&B視為附加值，物管公司嘅估值、憧憬先有得升，加上物管、内房股靠併購整靚盤數，之後先可以用好價出售。

Jason又話，金科服務收購嘅項目純利達1400萬人仔，又有明確收益指引，令市場對呢單收購有正面睇法，可以減少短期投資波動情緒，所以金科服務股價今日有得升。