【股市脈搏】泰格買A唔買H？

【Now財經台】醫藥外包股泰格醫藥(03347)連續7日破底，亦係今年呢個板塊表現最差嘅股份，暫時累跌47%，泰格舊年嚟香港上市，招股價100元，暫時「潛水」約6%，依家9天RSI落到24樓下，早前曾經跌到20，似乎仲未搵到個底。

今年7月，國家藥品監督管理局發刊發意見稿，提出新藥研發要先行關注臨床試驗中受試者嘅治療權益，消息刺激一眾醫藥外包股急挫，泰格業務相對單一，主力做臨床測試，所以跌得更甘，不過，集團AH股走勢分化，H股未搵到個底，但A股未破底之餘，仲似乎開始搵到個底，可能反映A股資金比港股充裕，所以對泰格有興趣嘅投資者，可能吼A股比較划算。