【財經TOP SEARCH】銀行保險股揸住等...

【Now財經台】截至早上11時，1小時內《彭博》用戶關注度上升最多嘅港股依次為，友邦保險(01299)、碧桂園(02007)、新世界發展(00017)、龍湖集團(00960)及建設銀行(00939)。

銀行、保險股近日開始回落，反而友邦股價就連日轉強，唔少投資者都有糊食，依家高追、加注值唔值博？

大華繼顯執行董事梁偉源指，隨著美國加息，滙豐控股(00005)、宏利金融(00945)等舊年年尾已升穿高位，所以投資者傾向揀一啲相對落後嘅股份，其中友邦係受惠於美國加息嘅股份，所以吸引資金流入。不過，友邦今日開巿後明顯回落，反映投資者獲利回套，升勢未必持久。

Steven又建議，銀行或保險股可以繼續揸住，睇下美國3月係咪加息先再做部署。