【股市脈搏】B仔股歸創通橋有排捱

【Now財經台】B仔股歸創通橋(02190)股價今朝一度大跌逾11%，但中午出咗舊年營運數據後，明顯有大手買盤追入，股價跌幅顯著收窄。

歸創通橋舊年收入大增超過5倍，毛利率升咗14個百分點至73%，數據睇落唔錯，問題係公司表明會繼續加大研發投入，所以去年繼續要蝕錢，而且金額都唔少，始終公司未有產品商業化，意味仲要一段時間先有機有錢賺。

歸創通橋今日跌到破底，仲插穿保歷加通道下軸，雖然RSI跌到24嘅超賣水平，但喺前景仍然唔樂觀下，相信市場好難重拾對歸創通橋嘅信心。