【股市脈搏】博醫渡反彈宜小注
【分析】 2022/02/25 11:50
【Now財經台】醫渡科技(02158)今朝一度升7%，高見11.86元，成交較噚日同時段多約1倍。
早前國家衛健委釋放利好醫療數字化發展嘅訊號，幾間內地券商特別點名醫渡係內地龍頭，可以受惠國策。不過，公司上市年幾，當日以26.3元上市，首掛已經見咗上市高位，即70元水平，之後市場爆殺估值潮，醫療平台股冇人吼，醫渡噚日仲見埋上市低位10.88元，雖然今日超賣反彈，MACD又似乎喺熊區快線升穿慢線，但行業氣氛未見明顯好轉，加上公司上半年仲蝕緊錢，想博反彈都唔好太進取。
想睇更多財經消息
