【Now財經台】兩隻SaaS股明源雲(00909)及赤子城科技(09911)發盈警後，股價都要跌，沽壓都幾明顯，雖然赤子城預告收入倍增，但仍估計最多要蝕近4億元，明源雲就虧損收窄。赤子城股價早段曾短暫升過，明源雲就由頭跌到尾，其實業績都算有改善，市場點解唔收貨？
獨立股評人莫灝楠指，大市氣氛差係其中一個因素，所以股價跌都算係情有可原，不過，其實赤子城估值唔平，加上喺加息陰霾下，對呢類股份影響都較大，加上業務嘅利潤率唔高，雖然今次發盈警只係會計財務上嘅虧損，但估值過高，再加埋盈警消息，比市場嘅觀感始終唔係太好，股價出現調整都好正常。
Casper又提醒，揀SaaS股時要留意市盈率(PE)，要回復正數先考慮。
