【專家分析】炒JS環球小心呢個伏位

【Now財經台】家電股JS環球生活(01691)暫時連升5個交易日，即係3月底派成績表後，日日都有得升，主力做海外市場嘅SharkNinja品牌成績唔錯，但JS間接控股嘅九陽股份就被大摩睇淡，會唔會拖累JS環球嘅業績表現，導致今年增長冇投資者預期咁靚仔？

華盛証券分析師聶振邦指，睇返JS環球業務分布，SharkNinja佔比約72%，九陽就近28%，因此，即使九陽前景有暗湧，未必對JS環球整體業績有好大影響，反而要留意JS環球業績2020年踏入爆發期，因為當時環球疫情存在不確定性，好多人都居家抗疫，導致家電需求大增，但去到2021年增長已顯著放緩，如果集團盈利增長未來可以維持15%至18%，咁就比較安全。