【Now財經台】恒指暫時仍然高過上月低位16%，後市可以上返22000點，還是下試20000點，甚至更低水平嘅機會大啲？唔少恒指成分股自上月中低位大反彈，但亦有5隻跌穿咗上月中低位，分別係香港中華煤氣(00003)、舜宇光學(02382)、創科實業(00669)、百威亞太(01876)及華潤啤酒(00291)，如果想博反彈，邊隻嘅彈力會強啲？
潤淼資產管理董事盧志威指，後市再試之前低位，即18000點水平機會唔大，因為要落返呢個水平，市況一定要好差，估計恒指短期喺20000點徘徊機會最大。佢又話，博反彈不妨留意煤氣，因為煤氣過往都試過唔派紅股，但之後又派返，因此，可以考慮買入等下。
