【股市脈搏】航天萬源難企穩呢個阻力位

【Now財經台】有央企背景嘅中國航天萬源(01185)早前已達成復牌條件，已經喺10月10日復牌，結束近年半停牌日子。

航天萬源復牌至今僅兩個星期，除復牌頭幾日跌幅較為顯著外，之後連日即市一度錄得得雙位數升幅。若以10月13日低位計，航天萬源股價至今累升最多1.8倍。

航天萬源股價今日一度突破0.25元，14天RSI已升至77嘅超買水平，短期要企穩0.25元呢個4年重大阻力位，相信有一定難度，要留意公司未來有冇更多後續公布，同埋基本面會唔會有改善。