【財經TOP SEARCH】金茂以股代息因有資金鏈危機?
【分析】 2022/10/28 13:07

【Now財經台】截至早上11時,1小時內《彭博》用戶關注度上升最多嘅港股依次為中國金茂(00817)、萬科企業(02202)、廣汽集團(02238)、中國海洋石油(00883)及世茂集團(00813)。
金茂股價今朝平開後,一路向下,半日最多跌逾7%,低見1.07元。
公司早前宣布,將會以股代息,派發每股9仙的中期股息。由於計算代息股份嘅價格,將以下周一起連續5個交易日嘅每股股份平均收市價作為基準,意味金茂股價愈低,股東收取嘅代息股份將會愈多。
金茂今日沽壓咁大,大唐資本投資策略總監盧志明認為,係因為投資者憂慮公司會好似龍湖集團(00960)咁,有資金鏈危機先會選擇以股代息嚟留返現金傍身。
![]() | 盧志明 大唐金融副總裁 |
想睇更多財經消息