我的股票

    名稱 現價 升跌

    資料報價延遲十五分鐘

    標籤: 分析01347

    【專家分析】點解華虹業績靚撐唔起股價?

    【分析】 2022/11/10 17:36

    【Now財經台】華虹半導體(01347)第3季按年多賺1倍至1.039億美元,係今年第2個季度純利突破1億美元。業績仲有2大亮點,上季收入破紀錄,按年增長近40%至近6.3億美元,毛利率按年大升10.1個百分點至37.2%。

    不過,華虹預期,今季收入同第3季比較近乎持平,毛利率將回落至介乎35%至37%。

    華虹中午出業績後,股價午後最多跌5%,低見22.8元,其後跌幅收窄,點解華虹業績靚仔都撐唔起股價?

    艾德金融聯席董事陳政深指,華虹上季表現亮麗主要受惠於產品平均售價上升,但市場預期今季電子消費品出貨量未必維持到過往增幅,加上芯片需求放緩,因此佢預期售價會相應下跌,繼而影響第4季毛利率。佢補充,市場憂慮整個產業面臨定單縮減風險,又指其他企業嘅高端芯片產能利潤率正在下跌,未來風險或傳導至華虹等位處下游產業鏈嘅公司。

    Ryan又提及,華虹基本上做到全線晶圓銷售價量齊升,但公司產能使用率長期處於超過100%水平,再擴大產能空間有限,意味未必可以應付到更多定單。

    Ryan預期,華虹股價短期有回套壓力,但現時已突破下降通道,如果喺10天線,即21元水平有支持,有一定值博率。

    想睇更多財經消息

    相關股票

    編號名稱
    01347華虹半導體