【Now財經台】東方電氣(01072)今朝輕微高開後，一度升逾8.6%，高見14.58元，暫時成交股數已經多過上個交易日。
東方電氣股價今年大幅跑贏大市，喺今輪反彈浪中，如果以4月低位7元升到今日即市高位14.58元計，累升超過1.1倍。
上星期五湖南發改委印發湖南省氫能產業發展規劃，要全力打造氫能工程機械之都，東方電氣係氫能方面可以話係國內領先水平，政策配合下，業務自然可睇高一線。
東方電氣今日喺成交配合下，升至9月及12月嘅雙頂阻力，依家14天RSI只係68，留意係咪有力進一步確認突破，下個高位可留意2015年嘅17元水平。
