【專家分析】兩大因素左右華虹股價
【分析】 2022/12/16 17:37

【Now財經台】華虹半導體(01347)股價近日大上大落,周二一度大升17%後,周三又插10%,連日喺250天線爭持,但未能企穩。
華虹獲高盛唱好,並上調未來6年收入、毛利率、經營溢利及純利預測。
高盛指,華虹有兩大增長動力,分別係模擬與電源管理集成電路、產品向12吋晶圓過渡,該行又指,華虹嘅工業用與動力相關產品,較少晶圓代工參與競爭,加上喺持續疲弱嘅手機及PC市場業務比重較同業小。
英皇證券研究部總監陳錦興認同高盛對華虹嘅分析,但認為現價更受美國制裁中企嘅負面消息,以及對明年經濟或陷入衰退嘅憂慮影響。不過,陳錦興話,華虹股價喺10月已見底,依家呈反覆向上走勢,如果明年經濟環境比預期好,股價將會有返爆發力。
![]() | 陳錦興 英皇證券研究部總監 |
想睇更多財經消息